مساء الخير عليكم جميعا ..
كيفكم حبايبي ؟؟
بعد ماعرفت انطباعاتكم عن اول حلقه قررت اني اكمل وما اوقف لاني بصراحه ضحكت لما قريت ردودكم واتوقع انتم بعد ضحكتوا علشان كذا قررت ان هالضحكه ماتنقطع ان شاالله وكل ماتخلص رحله بنروح رجله جديده لين ماسيوون لنا قصه مثل ( LOST ) ليه هم وش فرقهم عنا ؟؟ هم الضائعون وحنا التائهون
<<< وش فرقهم عنا مشيناها بس التائهون وصلتي حدك عاد
المهم بلا كثر كلام وهرج فاضي << قلبتها جد البنت
اللحين تحرك الباص وان شاالله مالقى مين يوقفه واللحين بتبدا الاسئله بس اسئله هالحلقه قصه مو اسئله ..
الاعضاء اللي بالرحله :
برونزي جذاب
اسير القلوب
عاشق الديم
حمودي 999
غزاله حايل
امل عمري
المستشار
الغيوض
ريوم الحنونه
عاشق الهلال
اسيره الصمت
ملكه الجوري
قشطه
ملك الرومانسيه
the dark master
نجديه كووول على طوول
strawberry
* تذكروا ان اللي جاوب على الحلقه الاولى لازم يجاوب على الحلقات الباقيه يعني (17 ) شخص على الاقل لازم يجاوبون لان اللي بالرحله 17 شخص طبعا معاي 18
* طبعا نبي الاجوبه بصرااااااااااااحه شديده وماابي احد يقول ماادري او كل الاعضاء لان فيه تقييم ولازم ينحسب صح وطبعا نبي مايكون فيه حساسيه من الاعضاء اذا سمحتوا لان السالفه كلها مزح
* الاجوبه لازم تكون من بين الاعضاء اللي اكيد انهم رايحين لرحله
يله نكمل الرحله ونشوف وش راح يصير بعد ماتحرك الباص فينا :
1/ واحنا نمشي بالطريق مالنا ولا علينا وبدون سابق انذار سمعنا صوت قوي وطبعا البنات بدوا يصارخون <<< هم يبونها من الله يموتون على الصراخ
المهم والشباب طارت عيونهم يبون يعرفون وش اللي صار جا سواق الباص الباص وقف على جنب وطلع الكفر " التاير او الدولاب " متقطع مو بس مبنشر <<< بلاه شايل امه محمد ماشاالله
السؤال : مين من الاعضاء اللي راح تضغطون عليهم علشان ينزلون بيدلون الكفر يعنيودكم تصك الشمس جبهتهم ؟
2/ الحمدلله تحرك الباص مره ثانيه بعد مناوشات عديده كادت تودي بحياه كثير من اعضاءنا الكرام لكن " عمر الشقي بقي " لان واحنا نمشي بالطريق لقينا سوبر ماركت وطبعا لو انكم شايفين اعدائكم ماهجتوا عليهم هالهجوم <<< طاقهم الجوع
واللي بلش بهالسالفه سواق الباص قعد يجمع فيكم تقل بزران لان احبك موووووت مهددته وياويله ياسواد ليله لو يرجع وواحد من الاعضاء ناقص
السؤال :نسيتوا واحد من الاعضاء بالسوبر ماركت وهذا دليل فهاوته الطاغيه مين من الاعضاء اللي تتوقعون انكم نسيتوه ؟؟
3/ بعد مارجعتوا واخذتوا هالعضو مين اللي تتوقعون انه راح يعصب عليه ويتخانق هو هالعضو؟؟
4/ المهم كملتوا الرحله وبعدين يوم وصلتوا المكان بعد احتكاكات كثيره بسبب الماك طبعا كل واحد يقول هنا لا هنا احسن الين مااستقروا على مكان واحد المهم بديتوا تنزلون الاغراض
السؤال : مين الاعضاء اللي ترشحهم ينصبون الخيام ؟؟
5/ جا الليل يعني جا وقت العشا واحبك موووووت يكون فيه عشا محترم يعني مفطح يعني فيه احد بيذبح الذبايح واحد بيطبخ اختاروا احد تحسون ان قلبه قوي او انكم بتوهقونه علشان يذبح الخواريف وشخص ثاني او اكثر يطبخون طبخ تقدرون تاكلونه يعني يطبخ زين ؟؟
6/ وحده من البنات اشتاقت لاهلهاوقعدت تصيح وتقول رجعوني لان الجوال طبعا مايشتغل يعني اللي يبي يصيح يصيح من اللحين ..<< ياشين نفسها
المهم مين العضوه اللي تتوقعون انها بتصيح تبي ترجع ووش الحل اللي بتسوونه معها يعني بترجعونها ولا بتخلونها تصيح لين ينفجر راسها ولا بتتصرف معها بطريقه ثانيه ؟؟ اذكر الطريقه
7/ صار وقت اللعب والفرفشه وودكم تلعبون شوي وش اللعبه اللي ودكم تلعبونها ومين اللي ودك يلعبون معك ؟؟
<< لاتقولون بلوت تراني مااعرفلها 
8/ اذا فزت باللعبه وكانت اللعبه من طلب مين العضو اللي ودك تطلبه ووشو الطلب ؟؟
9/ سؤال صراحه : انت فزت بالغش ولا فزت بمجهودك ؟؟
< < < قل الصدق لانك خلاص فزت ماراح نغير راينا
10/ وش رايك بالرحله للحين ؟؟
<< ترى مابعد خلصت تونا بادين هذي اول حلقه بعد
كشتـــــة اعضاء دلع نجد للوصول الى القمـــه ((( الحلقه الثانيه ))) 
