-^- أحبـــــك مـــــن زمـــــن يـــــوم الطفـــــولة -^- (( قصة إماراتيه ولاأروع ))

[برنتووو]

مرحباااااااااا

ها ياحلوين..تبغون تعرفون من هووو اللي مات؟؟؟؟؟؟؟

يلا ااااااااااااااااااااااااا

:
:
:




هذا الجزء الخامس..




عمر: لاااااااااااااااااااااااااا و طاح على الكنبة حذال أحمد، ركض سلطان صوب عمه أما علي فظل يحاول مع أحمد عشان يخبره السالفة و من هم اللي ماتوا..



علي:أحمد رد علي، خبرني..


أحمد و توه بدى يستوعب اللي حواليه: عمتي و ريلها توفوا بحادث اليوم..


الكل من الصدمة سكت و ما سمعوا غير صوت عمر و هو يصيح..


عمر: لا ما أصدق و قام صوب أحمد و مسكه من كندورته ، أحمد إنت تكذب علي صح؟؟ إختي ما ماتت إختي ما ماتت ليش تموتها يا أحمد، ليش؟؟


سلطان: اذكر الله عمي، الموت علينا حق..


سعيد: إن لله و إن اإليه راجعون..


خالد: أنا بروح أزقر أبوي و عمي..


راح خالد صوب أبوه و عمه و خبرهم و طبعا الشواب حالهم مب أحسن من حال أخوهم لأنه مريم كانت إختهم الصغيرة أما بالنسبة لعمر فمريم كانت مثل أمه..


نروح شوي صوب البنات و اللي قاعدات في الصالة فوق و يطالعوا فلم هندي..


منال: أنا مليت..


أسماء: أنا بعد..


منال: أنا بروح صوب ولدي تيي وياي؟؟


أسماء: أكيد..


أما الباقيات سون لهن أكبر طاف و كملن الفلم و لا درن باللي صار..


منار: أقول من يبى كيك؟؟


ميرة و وداد: أنا أبى..


منار: إنزين يا حلوين من اللي بتروح و تييب لنا؟؟


ميرة: اسمحوا لي أنا ما بسير..


وداد: أنا بسير..


و سارت وداد صوب المطبخ و بدربها سمعت صوت لما تقربت من الباب و شافت أحمد اللي ما استحمل حال عمه و ظهر برع يصيح..


وداد: أحمد بلاك تصيح؟؟ شو صاير؟؟


أحمد و هو يمسح دموعه: عمتي مريم توفت هي و ريلها بحادث..


وداد: شو؟؟ لا ما أصدق قول كلام غير هذا..


أحمد سكت ولا رد عليها..


وداد: إنت من خبرك؟؟ أكيد هذا مقلب..


أحمد: اتصل فيني دكتور من مستشفى بلندن و خبرني..


وداد: أكيد يكذب أنا أمس مكلمة الريم وقالت لي إنهم بعد يومين بكونوا في الإمارات و ركضت فوق و هي تصيح..


أما أحمد طلع بسيارته و ما خبر حد بوجهته..


وداد راحت عن البنات و هي تصيح..


راحت منار صوب وداد: وداد غناتي شو بلاج تصيحي؟؟


وداد من بين دموعها: عمتي مريم و ريلها توفوا بحادث..


ميرة: إنتي من خبرج؟؟


وداد: أحمد خبرني..


و طاحن كل وحدة تصيح من صوب صح إنه عمتهم ما تزوهم إلا في الإجازات يعني 3 شهور في السنة تقريبا لكنهم وايد يحبوها لأنها عمتهم الوحيدة و على صوت صياحهن ظهرن منال و أسما من الحجرة و عرفن بالخبر و حاولن إنهن يهدن البنات لكن لا حياة لمن تنادي..


أسماء: ما يصير إلّي تسوّنه ، ادعوا لهم بالرحمة..


البنات: الله يرحمهم..


منال: الله يعين بناتها تيتموا مرة وحدة..


أسماء: هيه و الله ، الله يعينهن و يصبرهن..


و ظلوا على هالحال فترة مب قصيرة..



في الميلس


و بعد ما هدى الجميع بما فيهم عمر تكلم أبو أحمد: ترحموا عليهم يا جماعة..


الجميع: الله يرحمهم..


أبو راشد: عمي لازم حد يسافر..


أبو أحمد: أنا بسافر و بروح معاي محمد و سلطان أو سعيد..


عمر: أنا أبى أسافر بعد..


أبو أحمد: إن شالله..


سلطان: أنا بروح معكم..


سعيد: أنا أكبر منك و أنا اللي بروح..


سلطان: يا سعيد البيت ما فيه ريال غيرك، كيف تخلي أهلك و تسافر؟؟


علي: سلطان عنده حق يا سعيد..


سعيد: و متى السفر إ ن شالله؟؟


أبو أحمد: اليوم الساعة9 إذا الله راد..


خالد: أقول، وين أحمد؟؟


علي: ما أدري ما شفته من ظهر..


أبو أجمد:اتصل بأخوك يا سعيد و قول له يرجع الحين أباه ضروري..


سعيد: إن شالله و يتصل بأخوه.. (الهاتف الذي طلبته مغلق أو خارج نطاق الخدمة حاليا، يرجى الاتصال فيما بعد)..


سعيد: أبويه، تلفونه مغلق..


عمر: أكيد راح عند حمدان..


علي: أنا بتصل بحمدان..


حمدان: حيى الله راعي هالصوت..


علي: السلام عليكم..


حمدان: و عليكم السلام ورحمة الله وبركاته..


علي: حمدان، أحمد عندك؟؟


حمدان: لا والله أصلا أنا ما شفته من أمس..


علي: و ما اتصل بك؟؟


حمدان: لا ما اتصل، خير علي شو صاير؟؟


علي: عمتيه و ريلها توفوا اليوم..


حمدان: عمتك مريم؟؟؟؟؟؟؟؟؟ الله يرحمهم..


طبعا حمدان كان يعرف العمة بحكم إنهم كانوا جيران من زمن بعيد و كان دايما يلعب مع الريم..


علي: و يرحمنا برحمته، إذا ما عليك أمارة يا حمدان إذا اتصل بك أو إنت اتصلت به خله يرجع البيت ضروري لأنه عمي يباه..


حمدان: إن شالله، مع السلامة..


علي : مع السلامة..


بعد ما صكر حمدان عن علي اتصل لأحمد لكن تلفونه كان مغلق، حاول أكثر عن مرة لكن نفس النتيجة و آخر مرة رن تلفون أحمد و شاف أحمد إنه حمدان هو اللي متصل رد عليه بصوت تعبان..


أحمد: هلا حمدان..


حمدان: وينك يا ريال؟؟ ليش غالق تيلفونك؟؟ الكل في البيت خايف عليك..


أحمد: و الله غضب عني..


حمدان: أوكيه إنت وين الحين؟؟


أحمد: قاعد صوب البحر..


حمدان: تم مكانك و لا تتحرك دقايق و أكون عندك..


أحمد: إن شالله..


بعد عشر دقايق و صل حمدان لعند أحمد..


حمدان: حرام عليك يا ريال خوفتنا عليك..


أحمد: لا تلومني، اللي صار مب هين..


حمدان: أدري و الله لكن إحنا مافي بايدنا شي غير إنّا نترحم عليهم و ندعي لهم..


أحمد: أدري بس ما أقدر استحمل هذي عمتي الوحيدة، تفهم؟؟


حمدان: هيه أفهم و الله أفهم ، أنا أعرف شو كانت عمتك بالنسبة لك..


أحمد: آآآآآآآآآآآآآآه يا حمدان لو تدري باللي صار لي يوم خبرني الدكتور حسيت إنه قلبي وقف..


حاول حمدان إنه يغير الموضوع : إنزين و الدكتور من وين عرف رقم تلفونك؟؟


أحمد: يمكن خذه من تلفون عمتي أو من وحدة من بناتها..


حمدان: يالله قوم..


أحمد: ع وين؟؟


حمدان: صوب بيتكم، الكل هناك خايف عليك..


راحوا أحمد و حمدان كلن فسيارته صوب بيت سلطان و على وصلتهم أذن العصر..


حمدان: أحمد إنت روح غسل ويهك و توضا و أنا بترياك في السيارة عشان نروح رباعه للمسيد..


أحمد: ما يصير، ادخل اترياني في الميلس و بعدين كل الشباب موجودين..


حمدان: حتى عمك عمر؟؟


أحمد: هيه..


سار أحمد لحجرته و دخل حمدان الميلس و تلاقى مع الشباب..


حمدان: السلام عليكم..


الجميع: و عليكم السلام و رحمة الله وبركاته..


حمدان: عظم الله أجركم..


الموجودين : أجرنا و أجرك..


علي: إلا وين أحمد عنك؟؟


حمدان: سار حجرته و بعد شوي بيي..


سلطان: بتتخاوا للمسيد؟؟


حمدان: هيه، عيل وين عمي سلطان و عمي محمد؟؟


علي: عمي سلطان راح يخبر حرمته عن السفرة و أبوي يتوضا..


بعد ثواني دخل أبو أحمد الميلس عقب ما قام حمدان يسلم عليه و يعزيه ..


أبو أحمد: وين عمر؟؟


سعيد: روح بيته..


أبو أحمد: ليش خليتوه يروح بروحه؟؟


سعيد: لا عمي مب بروحه ولدك سعيد راح معاه..


أبو أحمد: ومتى بيرجع؟؟


سعيد: ما أدري يمكن بعد ساعة..


أبو أحمد: و أحمد رجع و إلا بعده؟؟


ما خلص سؤاله إلا و أحمد داخل : السلام عليكم..


الموجودين: و عليكم السلام..


أبو أحمد: وين رحت يا ولدي، شغلت بالي عليك..


أحمد: السموحة منك ابويه، يالله حمدان..


حمدان: يالله..


علي: تريوا شوي بنسير وياكم و قاموا الشباب توضوا و ساروا المسيد..


أما عند البنات بعد ما هدن شوي قامن صلن العصر وبعد ما خلصن نزلن تحت عند أم أحمد و أم سعيد و أم علي..


أم أحمد: الله يرحمهم..


أم علي: مريم عندها بنتين صح؟؟


وداد: هيه خالوه..


أم سعيد: البنات بقعدهن عندي في البيت..


أم أحمد: لا يا أم سعيد، سلطان خالهم العود و هالبيت كبير و الغرف الفاضية وايد..


ميرة: إحنا وين و الأمهات وين..


منار: هيه و الله الناس بوادي و هن بوادي ثاني، ماماتي خليهن إيّن بالأول و عقب تضاربن على كيفكن..


أم أحمد: على هالطاري، أبوكن اليوم بسافر و محمد و عمر و سلطان معاه..


ميرة: و من اللي بتروح من الحريم؟؟


أم علي: ما حد..


منال: ما يصير هالكلام، البنات يحتاين حريم مب ريايل حتى و لو كانوا خوالهم..


أم أحمد: بكلم أبوج و بشوف شو رايه..


و بعد مشاورات بين أم أحمد و ريلها و إخوانه تقرر إنه أم احمد تسافر بدال سلطان..



في المطار..

أم أحمد: أحمد، دير بالك على خواتك و إخوانك..

أبو علي: ما أوصيك يا علي على أمك و خواتك..

أحمد: لا تخافي يالغالية إخوانيو خواتي فعيوني..

علي: لا توصي حريص أبويه، الكل فعيوني خاصة الغالية..

أبوة أحمد: بارك الله فيكم يا عيالي..

أبو راشد: ها عمي عمر، و إنت ما بتوصي على شي؟؟

عمر: لا سلامتك، بس انتبهوا لنفسكم..

و نادوا على طيارتهم، سلموا الشباب على الشواب و توكلوا الشواب ، أما الشباب فرجعوا كلن على بيته..



بعد يومين في لندن

خلصوا فيها أبو أحمد و إخوانه الإجراءات رجعوا لدار زايد و معاهم جثمان إختهم و ريلها و بناتهم الريم و شما و كان في استقبالهم أحمد و علي و أبو راشد و بعد السلام توجه كل واحد صوب سيارته أحمد معاه ابوه و أمه و بنات عمته و على معاه أبوه و أبو راشد و معاه عمر..

في نفس الوقت و بالتحديد في بيت أبو أحمد..

الكل يتريى و صولهم..

منار: باعتقادكم كيف بكون شكل الريم؟؟

أسماء: نفس الشكل، إلا هي كم عمرها؟؟

وداد: قدنا يعني 17 سنه و شما إختها عمرها 14سنه تقريبا..

منال: إنزين شو رايكم نسوي فيهم حركة؟؟

ميرة: الله يستر من افكارج يا بنت العم، هاتي اللي عندج..

منال: شو رايكم إنّا ما نخبر البنات بأسمائنا و بنشوف إذا بيعرفنا بروحهن و إلا لا..

ميرة: فكرة حلوة بس ما أظني إنها بتنجح..

منال: ليش يعني؟؟

ميرة: لأنه يا حلوة أكيد عمي و حرمته بخبروهن بأسمائنا حتى قبل لا يتنطقن..

منار: مب مشكلة: أنا بتصل بأحمد و بخبره إنه ينبه باباتي و ماماتي لهالشي..

اتصلت منار لأخوها و فهمته الخطة و هو بدوره خبر أبوه و أمه بدون لا يفهمن البنات..

ميرة: و أنا بتصل بعلي و بخبره..

منال: و انا بتصل بسعّودي..

وداد: شو سعّودي هاي؟؟ عيب اسمه سعيد أو أبو راشد..

اتصلت ميرة بأخوها و خبرته لكن في الوقت اللي كانت منال بتتصل فيه لريلها بكى ولدها راشد..

وداد: أقول منال كأنه رشودي يصيح؟؟

منال: لا ما كأنه إلا أكيد، منار سيري ييبه الله يخليج..

منار: إن شالله و قامت..

بعد نص ساعة تقريبا..

منار و هي تنزل الدرج: و صلوووووووووووو، و ركضت صوب الباب و لحقنها البنات كلهن و سلمن على أبو أحمد و أبو علي و عمر و أم أحمد و أخيرا الريم و شما..

منال و هي تسلم: شحالج يا بنت العمة؟؟

الريم: بخير، أكيد إنتي أسماء بنت عمي محمد..

منال: لا..

الريم: عيل ميرة؟؟

منال: بعد لا..

الريم: أمممممممم وداد؟؟ منار؟؟ منال؟؟

منال: ههه هيه أنا منال أو أم راشد..

و بعدها سلمت على أسماء و نفس الشي صار و عقب سلمت على الثلاثي المرح ميرة و منار و وداد..

و سلمن البنات على شما اللي ما تنطقت أبدا..

منال: ما شالله عليج يا الريم، ما توقعت إنج تتذكري أسمائنا..

الريم:صح إنا ما كنا نلتقي إلا مرة في السنة بس بعدي أتذكر و الله يخلي بوداد اللي كل ما رمسها تخبرني عنكم..

أسماء: و الله و كبرتي يا الريم و إحلويتي بعد..

الريم و هي تطالع بنات خوالها: مب أنا بس كلكن يا بنات خوالي محلوات ما شالله عليكن..

و فجأة طاحت عينها علي خولها اللي يطالعوها: أكيد هذا الجمال كله من عند خوالي و خالاتي..

عمر: مشكورة، إخجلتي تواضعي، هذي الناس اللي تفهم في الجمال مب إنتوا..

منار: منو تقصدي عمي؟؟

عمر: هاااا لااااا ما أقصد حد..

منار: بلى تقصد حد..

عمر و هو يحاول ينفد بجلده: أقصد ميرة بنت محمد..

ميرة: هااااااااااااااااااااااااا..

عمر: من قال هاااا سمع..

ميرة: عيد مرة ثانية يمكن أنا سمعت غلط..

عمر: كلام الملوك لا يعاد..

منال: ما شالله عمي ، كلامك اليوم كله درر..

عمر: البركة بالشواب (وبعد هالكلمة طالعوه إخوانه ) أقصد الشباب..

أسماء: أقول عمي روح بيتك و ارتاح شكله السفر مؤثر عليك سلبا..

عمر: صدجج يا منال..

أسماء: عمي أنا أسوم الحلوة مب منال..

عمر: السموحة منج الشيخة، كله من إختج و بنت عمج اللي ما خلوا فيني عقل..

وداد: أقول عمي سعيد اتصل و يقول إنه يترياك برع إذا تباه يوصلك بدربه..

عمر: بروح أبرك لي قبل لا يصيبني شي ثاني يالله تصبحوا على خير..

الكل: و إنت من أهله..

منال: عمي، قول لسعيد لا يسرع..

عمر وهو يظهر من الباب: إن شالله..

و بعد هاليوم الطويل و السفر روّح أبو علي و معاه بناته، أبو أحمد و حرمته دخلوا غرفتهم أما البنات راحن فوق يروان الريم و إختها حجرتهم..

منار: أقول الريم ، شو بلاها إختج ما تكلمت أبدا؟؟

الريم: إختي ما تكلم ناس ما تعرفهم..

منار: بس و قبل لا تكمل جملتها قاطعتها الريم: أدري إنكم بنات خوالنا و هي تدري بس بعدها ما تأقلمت و بعدين ما فيه حد بسنها..

منار: هيه و الله..

اليوم الثاني ..

عقب صلاة الفجر غسلوا مريم و ريلها و كفنوهم و صلوا عليهم و بعد ما طلعت الشمس دفنوهم و بدوا الييران يعزوا ، بيت سلطان ما خلى من الريايل و بيت أبو سعيد ما خلى من الحريم أما البنات راحن بيت محمد و حالتهن حاله الريم و شما يصيحن و منال و أسماء يحاولن يهديهن و البنات يهدن شوي لكن بعدين برجعن يصيحن أكثر عن قبل..

و بعد أيام العزا كانت الريم حزينة وااايد و تبكي على فراق أمها و أبوها على عكس إختها شما، حاولن البنات معاها لكن بدون فايدة..

منار: خلاص يالريم لا تعذبين نفسج و تعذبينا وياج..

الريم:…………

منال: هذا حكم ربج..

الريم:…………

وداد: الريم، الصياح ما برد اللي راحوا..

انفجرت الريم على وداد: و إنتي شو دراج؟؟ أنا اللي ماتوا أهلي مب إنتي..

وداد ما قدرت تنطق بكلمة، شلت عباتها و ظهرت من الحجرة و هي تبكي و على طول راحت بيتهم و صادف إنه سعيد أخوها شافها و هي على هالحالة، سألها عن السبب لكنها ما كانت قادرة ترد عليه..

سعيد: وداد ، تكلمي، جاوبيني ، ليش تصيحي؟؟

وداد:………

سعيد: وداد، شو صار فبيت عمي؟؟ حد زعلج؟؟ حد قال لج شو ضايقج؟؟

هزت وداد راسها بمعنى هيه..

سعيد: انزين اهدي و خبريني شو اللي صار..

وداد : الريم كانت تصيح و قالت لي إنه أهلها هي اللي ماتوا مب أنا..

سعيد: الحين فهمت، وهي ليش قالت لج هالكلام؟؟

وداد: كنت أحوال أهدّيها و قلت لها إنه الصياح ما برجع اللي راحوا..

سعيد: وإنتي الحين ليش تصيحي؟؟

وداد: لأنها جرحتني بهالكلام..

سعيد و الحزن بعيونه: أدري إنج تذكرتي اليوم اللي توفى فيه الوالد الله يرحمه..

وداد: أصلا أنا ما نسيت أبويه عشان اتذكره..

سعيد: اسمعي يا وداد، ما حد يقدر ينسى أبوه و أنا مثلج و أحس باللي تحسين به خاصة إني أبو لكني ما أبين هالشي لقرب الناس لي لأن أميه لو درت بتزعل أكثر و إنتي تعرفي إنه الزعل مب زين لصحتها..

وداد: هيه أدري بس….

سعيد: لا بس و لا شي تذكري شو كانت وصية أبويه؟؟ قال لا تزعلوا أمكم ولا تخلوها تحزن أبدا..

وداد: مستحيل أنسى آخر كلمات سمعتها من أبويه الله يرحمه..

سعيد و هو يمسح دمعة من على خد إخته: خلاص عيل مسحي دموعج و ردي بيت عمي ولا كأنه شي صار..

وداد: ما أقدر..

سعيد: إذا مب عشاني عشان أبويه الله يرحمه و أميه..

وداد: خلاص إن شالله..

سعيد: و الحين قومي غسلي ويهج أنا بترياج برع بنروح سوى..

وداد: أكيد مواعد القلب..

سعيد: لا بس مشتاق لرشودي..

وداد: لرشودي و إلا لأمه؟؟

سعيد: للإثنين..

وداد: الله يديم المحبة بينكم ولا يحرمكم من بعض..

سعيد:آآآآآآآآآآآآآآميييييييييييييييين..

رجعت وداد لبيت عمها..




اكمل بعد الردود


برتنووووووووووووووووووووووووووووو


(:
(:

[افنان]

يعطيك العافيه وبانتظار التكمله لك تحياتي غاليتي ...

[برنتووو]

المهم........في الجزء ال5 ظهرت شخصيات جديده.


والحين بنزل لكم الجزء ال6 وان شاء الله يجبكم......ما وصيكم بالردووووووود اوكيي؟






الجزء السادس..

مرت الأيام و الأسابيع و الشهور و بدت الدراسة من يديد منار و وداد و الريم سجلن في التقنية أما شما سجلت فمدرسة خاصة تكمل ثالث إعدادي..

في اليوم الأول إلتقن الريم و منار و وداد بميرة..


ميرة: السلام عليكم و رحمة الله وبركاته..


البنات: و عليكم السلام ورحمة الله وبركاته، شحالج؟؟


ميرة: انا طيبة طاب حالكن أخبار الثلاثي المرح؟؟


وداد: الحمد لله..


الريم: تعبت هلكونا كله نتحوط في الكلية تعبت و ريلي تعورني..


ميرة: و إنتي منار شو أخبارج؟؟


منار: أخباري طيبة بس ملل..


ميرة ليش؟؟


منار: الأساتذة يرمسوا و إحنا مب فاهمين هم شو يقولوا..


وداد: يعني أطرش في الزفة..


ميرة: يمكن لأنه أول يوم بس عقب بتتعودن و بتستمتعن واااايد..


الريم: و متى بنبدى الدراسة؟؟


ميرة: يمكن يوم الأثنين، أقول تغديتن و إلا بعدكن؟؟


وداد: لا تغدينا الحمد لله..


منار: عن إذنج بنروح الحين..


ميرة: وين؟؟


منار: على الكلاس..


ميرة: الله معكم..


الريم: سي يو ليتر..


و راحن كل وحدة على كلاسها..


مضى اليوم الأول و الثاني و بدت الدراسة و إلتهى كل شخص بدراسته و امتحاناته..



مرت الأيام و قرب رمضان..


شما: هذا أول رمضان أصومه و أنا في الإمارات..


الريم: و هذا أول رمضان يمر علي بدون الغاليين..


وداد: الميت ما تيوز عليه إلا الرحمة..


الريم: الله يرحمهم و يجمعنا فيهم في الآخرة..


شما و وداد: آآآآآآآآآآآآآآآآآآآآآآآمييييييييين..


في الليلة اللي سبقت أول يوم رمضان الكل كان مجتمع و مستانس برمضان و باركوا لبعض بمناسبة هالشهر الفضيل و ظلوا الشباب سهرانين لين بعد السحور و بعد ما صلوا الفجر كل واحد وطى راسه و رقد لين الساعة 7 الصبح..


قرب الساعة 7 الكل قام في بيت سلطان باستثناء الكسول خالد..


أم أحمد: خاااااااااالد قوم بتتأخر على المدرسة..


خالد: أميه أبى أرقد بعدي ما شبعت..


أم أحمد: يوم تحيج إنك ما تشبع رقاد ليش سهران؟؟


خالد: أميه اليوم ما بروح تعبااااااااااااااان..


و بهاللحظة دخل أحمد: خالد قوم وراك مدرسة..


خالد: أبى أرقد..


أحمد و هو يسحب اللحاف عن أخوه: بتقوم و إلا أصب عليك ماي بارد؟؟


خالد: حراااااااام عليك، ماي بارد بهالبرد..


أحمد: عيل يالله قوم..


خالد: انزين بقوم بعد خمس دقايق..


أحمد: ولا دقيقة زيادة، أنا الحين رايح صوب منار و راجع لك و يا ويلك لو ما كنت قايم..


دخل عليهم سعيد: ما شالله ، نفس العادة ( قال و هو يعايب على خالد) أميه ما بروح المدرسة تعبان..


قام خالد و فره بالمخدة و راح صوب الحمام ( أكرمكم الله) عشان يسبح أما سعيد فقال: اللهم إني صائم..


خالد قبل لا يدخل: حتى أنا و الله بس ما حد حاس فيني..


نروح صوب منار اللي كانت قاعدة تقري قرآن و أول ما شافت أحمد وقفت و صكرت المصحف..


أحمد: صبحج الله بالخير..


منار: صبحك الله بالنور، حياك تفضل..


أحمد: الله يحييج يا بنت سلطان، ما شالله قايمة من وقت..


منار: اليوم دوامي يبدى الساعة 8..


أحمد: آها بالتوفيق..


منار: لنا و لك أقول خالد قام؟؟


أحمد: هههههه هيه بعد طلعة الروح..


منار: أكيد قال اليوم ما بروح المدرسة تعبان..


أحمد: أكيد، إنتي شو عرفج؟؟


منار: هذا خلود أخوي و هذي عادته في كل رمضان..


أحمد: الله يهديه..


منار:و يهدي اليميع..


أحمد:آآآآآآآآمين و أولهم إنتي..


منار: ما برد عليك..


أحمد: إلا مع من بتروحي الدوام؟؟ مع السواق؟؟


منار: لا مع سعيد..


أحمد: ليش؟؟


منار: لأنه وداد و الريم دوامهم يبدى الساعة 9..


أحمد: خلاص عيل أنا اللي بوصلج، كوني جاهزة عالساعة 7 و نص..


منار: إن شالله..


بعد ما وصل أحمد منار الكلية توكل على دوامه و تلاقى مع حمدان :السلام عليكم


حمدان: و عليكم السلام ورحمة الله وبركاته، مباركن عليك الشهر..


أحمد: علينا و عليك..


و دايما الأيام الحلوة تمر بسرعة و هذي الحال في شهر رمضان .. عدت الأيام ووصل نص الشهر..


منال: أقول منار بتروحي السوق؟؟


منار: ليش بعد؟؟


منال: بروح أييب عباتي و بشتري ملابس و حق رشودي بعد..


منار: أنا أمس رايحة و ما فيني اليوم أروح..


منال: وداد بتروح وياي..


منار: تريي شوي، بييب لج فاتورة عباتي ، ييبيها لي..


منال: إن شالله..


منار: و بعد إذا حصلتي شي حلو ييبيه..


منال: انزين إنتي شريتي لج نعال؟؟


منار: هيه بس ما عيبتني وايد لأنه كعبها مب عالي..


منال: خلاص إذا لقيت لج شي حلو بييبه لج..


منار: تسلمي و الله..


منال: الله يسلمج..


و هني اتصل أحمد..


أحمد: السلام عليج أم راشد..


منال: و عليكم السلام ورحمة الله وبركاته..


أحمد: شحالج؟؟


منال: بخير، شحالك إنت؟؟


أحمد: ما نشكي باس، أقول منال إنتي بتروحي السوق اليوم؟؟


منال: هيه بغيت شي؟؟


أحمد: هيه، أباج تختاري اكسسوارات حلوة لبنات عمي محمد و بنات عمتي..


منال: و بمناسبة شو؟؟


أحمد: بخبرج بس ما تخبري حد..


منال: ما بخبر حد..


أحمد: أنا كنت شاري هدايا لمنار و وداد بمناسبة نجاحهم في الثانوية و كنت ناوي أعطيهم اياها في نفس اليوم اللي توفت فيه عمتي و بعدين نسيت السالفة و الحين تذكرت..


منال: خلاص لا تهتم..


أحمد: و يعدين بنتفاهم على البيزات..


منال: ما بيينا هالكلام بعتبر إني ما سمعت هالرمسة..


مرن الأسبوعين و قرب رمضان من نهايته، و قربت أيام العيد و في آخر يوم من رمضان الكل متجمع فبيت سلطان و متجمعين حول الأكل يتريوا الأذان عشان يفطروا..


أبو أحمد: اللهم اعد علينا الشهر الفضيل الله إنا نسألك عفرانك و رحمتك و العتق من النار و حسن الخاتمة..


الكل: آآآآآآآآآآآآآآآآميييييييييييييييين..


في الليل قامت وداد تزهب الفواله حق ميلس الريايل و ثانيه لميلس الحريم..


صباح العيد الكل قايم حتى خالد..


أحمد: منار هاتي لي المدخن..


منار: إن شالله و راحت تييب المدخن و دخنت أبوها و إخوانها كلهم..


بعد ما راحوا الشباب المصلى بخرت البيت كامل و الميالس و حطت الفواله في الميالس و عقب ما خلصت راحت تتسبح و تتعدل بعد ما خلصت نزلت و كانت لابسة كندورة مخورة بيج فيها ورود بنفسجية و كانت فاله شعرها الكثيف اللي يوصل لين تحت ظهرها و متجحلة و حاطة غلوس و بنزلتها و صل أبوها و إخوانه و أول ما شافته راحت و سلمت عليه و باسته على راسه: مباركن عيدك باباتي..


أبو أحمد: الله يبارك فيج: عساج من العايدين و الغانمين..


و عقب سلمت على إخوانها و باركت لهم بالعيد ترخصت و راحت بيت عمها ، دخلت الصالة و لقت أم سعيد و سعيد و منال و الريم وشما موجودين، سلمت عليهم و باركت لهم..


بعدين شلت رشودي و باسته لين ما صاح..


منال: حرام عليج صيحيت الولد..


منار: هذا أول عيد له صح؟؟


منال: هيه..


منار: يالله هذي عيديته مني..


قعدت تسولف وياهم لين ما تقوم وداد..


منار: الناس تعيد وهي راقدة للحين..


منال: وداد أمس كانت تعبانة..


منار: و شو كان عندها؟؟


منال: حرارتها كانت مرتفعة و كانت مصدعة و طول الليل ما رقدت..


منار: خلاص أنا الحين بروح صوبها و إذا كانت راقدة برد لها العصر..


و بنفس الوقت ظهرت وداد: ماله داعي..


و أول ما شافتها منار راحت صوبهاو مسكتها: سلامات الغالية ما تشوفي شر..


وداد: الشر ما إييج، الناس تقول كل عام و إنتي بخير..


منار: لا تلوميني و الله تلخبطت من شفتج على هالحالة و ويهج أصفر ، عساج من العيدين و الغانمين..


أما في اليوم الثاني من العيد زارهم محمد ..


و بعد اليوم الرابع من العيد عادت الحياة مثل ما كانت قبل رمضان.. البنات يداومن في التقنية.. و الشباب كلن في شغله.. و الشواب بين العزبة و المزرعة و الحريم ردن لسوالفهن اللي ما تخلص أبدا..


و هذي الدنيا الكل لاهي بمشاغله لكنه ابدا ما نسى اهله و ربعه..


في يوم من أيام شهر 12، الساعة 7 و نص و بالتحديد في التقنية..


منار: أوووووووووووووف..


وداد: بلاج تتأففي من صبايح الله خير..


منار: الله يسلمج اليوم تسليم البروجكت الفاينل..


الريم: و انا عندي إمتحان رياضيات..


وداد: رحت فيها..


منار: ليش يعني؟؟


وداد: اليوم عندي امتحانwriting ..


الريم: خير يا طير..


وداد: أي خير، نسيت أراجع القواعد..


منار: عادي ما ينخاف عليج دحاحة ما شالله عليج..


الريم: اليوم متى يخلص دوامكن؟؟


منار: أنا بخلص الساعة 2..


وداد: وأنا الساعة 3 و إنتي؟؟


الريم: الساعة 4..


منار: على هالحالة أنا بروح قبلكم و بطرشن لكن السواق..


الريم: ماشي، ريلي على ريلج..


وداد: و الكلاس؟؟


الريم : بسوي له طاااااااف..


منار: لا مشكورة..


الريم: ها شو قلتي؟؟


منار: بترياكن و أمري لله..


وداد: يالله تحركن بعد شوي بتبدى الكلاسات..


الريم: ادعوا لي امتحاني الحين..


منار: الله يوفقج..


وداد: الله يسهل عليج كل الأسئلة..


الثلاثي مع بعض: آآآآآآآآمين.. و راحن كل واحدة على كلاسها..


و هذي هي الحال في التقنية، أما في بيت أبو أحمد و بما إنه الامتحانات قربت يعني خالد لازم يشد حيله و يدرس..


أم أحمد و هي تكلم خالد: على وين العزم إن شالله؟؟


خالد: بلعب كورة مع الشباب..


أم أحمد: و المذاكرة؟؟


خالد: لاحقين على المذاكرة و ويع الراس..


أم أحمد: متى و الامتحانات ما بقى عليها غير أسبوعين؟؟


خالد: لا تخافي علي يا أم احمد تراني قدها و قدود..


أم أحمد: الله يهديك و تلتفت لكتبك و مذاكرتك..


خالد: إن شالله أميه من الأسبوع الياي ببدي أدرس، و الحين مع السلامة..


أم أحمد: الله يحفظك..


مرت الأيام و فربت الامتحانات و نفس الكلام تعيد و تزيد فيه أم أحمد بس على نطاق أوسع شمل منار و سعيد لأنه منار أول سنة دبلوم عالي وسعيد آخر سنة و اثنيناتهم لازم يشدوا حيلهم و يعدوا الامتحانات بتفوق..


و الحال نفسها في بيت أبو سعيد و في بيت أبو علي لأنه بعد التوأم سلطان و ميرة و حالهم من حال سعيد و لد عمهم..


أول يوم من الامتحانات بعد ما ظهرن البنات من القاعة..


وداد: شو سويتوا؟؟


منار: الامتحان شوي صعب..


الريم: أي شوي الله يهديج، إلا صعب واااااااااااااااااااايد بعد..


منار: و إنتي؟؟


وداد: لا سهل ولا صعب، يعني وسط..


منار : الرياضيات و عدى، الله يستر من الإنجليزي..


الريم: لا عادي، الإنجليزي سهل..


منار: يمكن writing وreading سهل بي اlisting يباله تركيز شوي..


بعد ما روحن البنات نزلن منار و نزلن وداد و الريم في بيت أبو سعيد لأنه الريم إختارت تعيش في بيت خالها راشد لأنه ما فيه شباب غير سعيد..


الريم و وداد: السلام عليكم..


أم سعيد و شما: و عليكم السلام و رحمة الله وبركاته..


الريم: شحالج خالتي؟؟


أم سعيد: الحمد لله بخير..


الريم: و إنتي يا شما؟؟ شو سويتي بامتحانج اليوم؟؟


شما: الحمد لله سهل..


الريم : وباجر شو عليج؟؟


شما: تاريخ..


الريم: ذاكرتي و إلا بعدج؟؟


شما: الحمد لله خلصت مذاكرة بس بعدي ما راجعت..


الريم: الله يسهل يوفقج و بسهل عليج..


شما: آآآآآمين و ياكن..


الريم و وداد: آآآآآآآآمين..


أما في بيت سلطان، دخلت منار الصالة و لقت الكل تقريبا موجودين..


منار: السلام عليكم..


الجميع: و عليكم السلام ورحمة الله وبركاته..


منار: شحالكم شوابي؟؟


أبو أحمد: الحمد لله بخير..


أم أحمد: شواب بعينج..


منار: السموحة منج ماماتي..


أم أحمد: ما بسامحج..


منار و هي تتدلع على أمها: أفا يا ماماتي تزعلي مني أنا منّورة الحلوة و قرب من أمها و لوت عليها و باستها..


فوق راسها: بعدج زعلانة مني ماماتي..

أم أحمد: لا ما زعلانة وخري عني قتلتيني..

منار و هي تبتعد عن أمها: عيل وين ياجي الشباب؟؟

أبو أحمد: أحمد بعده في الشغل و خالد في حجرته يدرس..

منار: خلود فحجرته يدرس؟؟ لا لا ما أصدق لين ما أشوف بعيني..

أم أحمد: خلي أخوج بحاله و روحي بدلي و صلي..

سعيد: بس بسرعة الله يخليج تراني ميت يوع..

منار: تعال شو سويت بامتحانك اليوم؟؟

سعيد: اليوم راحة و باجر امتحاني..

منار: الله يوفجك، بعد جملتها سارت لحجرتها و بدربها مرت على خالد و دخلت فجأة و خالد المسكين من خوفه مسك الكتاب بالمقلوب..

منار: السلام عليك أخوي..

خالد: و عليكم السلام خير ؟؟ شو تبي؟؟

منار: سلامتك ما أبى شي..

خالد: عيل ليش هاجمة علي و بحجرتي بلا احم أو دستور..

منار و هي تقترب منه: كيفي (و عدلت له الكتاب) هكذا الناس تذاكر يا فتى..

خالد: يعطيج العافية يا أختاه مشكورة و ما تقصري ، يالله الحين فارجي..

منار: وينج يا ماماتي ، تعالي شوفي ولدج اللي يذاكر قاعد يسمع ميحد..

خالد: ميحد و إلا غيره ما يخصج و الحين راويني عرض كتافج..

منار: ازين رايحة بس ماماتي تقول الغدا جاهز..

خالد: والله؟؟ الحين ياي..

في اليوم الثاني و بعد الامتحان..

الريم: شو سويتن؟؟

وداد: الامتحان حلو بس شوي صعب..

منار: reading وlisting سهل بس writint صعب..

وداد: هيه صح الموضوع الثاني ما عرفت شو أكتب فيه و إنتي يا الريم؟؟

الر يم: الحمد لله سهل..

منار: اكيد دام إنج عشتي فترة بلندن..

سكتت الريم و بينت الدموع فعينها..

منار: أوه الريم ، آسفة و الله ما كنت قاصدة..

الريم: حصل خير، إلا وداد..

وداد: نعم..

الريم: أنا آسفة..

وداد: على شو؟؟

الريم: أذكر إني جرحتج في يوم..

وداد: متى؟؟

الريم: بعد العزا..

وداد: هذي سالفة قديمة و أنا نسيتها خلاص..

الريم: يعني مسامحتني؟؟

وداد: أنا ما زعلت منج عشان أسامحج..

الريم: هذا العشم فيج يا بنت الخال..

منار: إذا كنتن ناويات تباتن هنيه أنا ما عندي مانع إني أروح و أخليكن..

وداد: لا لا يايات و ياج..

خلصت الامتحانات و ارتاح الجميع من همها بعد ما ظهرت النتايج والكل ناجح حتى خالد..

في يوم الخميس..

بعد ثلاث أيام تجمعوا الأهل في بيت أبو أحمد ، الشباب في الميلس و معاهم سالم و محمد بعد ما قاموا بالسلامة و يوسف أخوهم و حمدان..

أما الحريم فكان مقرهم الصالة و البنات احتلوا صالة الطابق الأول و قعدوا يتذكروا ماضيهن و يطالعن صور زمان كانن يعلقن على كل صورة
حتى الشواب ما سلموا من هالتعليقات، بعد ما خلصت الألبومات اللي عندهن اقترحت الريم إنها تراويهن ألبوم عايلتها و ربعها في لندن و هالإقتراح خلاها تروح بيت خالها وهي طالعة من باب الصالة كنات تغني:

تلاقينا معاه صدفة

ويا محلى الصدف وياه



و طبعا الحبيبة ما كانت متغشية ولا كانت منتبه أصلا إنه في حد كان واقف و يطالعها..

و فجأة تذكرت إنه الألبوم عند إختها شما ، لفت على ورى و شافته..


:
:
:
:
:
اووووووووووبس..........سوري بس الحبر خلص خخخخخخ




من اللي كان موجود؟؟


و ليش كان يطالعها؟؟


هل هو واحد من الأهل أو من الربع؟؟



:
:



ستوووووووووووووووووووووووب

انتظرر الردود

[افنان]

يعطيك العافيه صار فيلم مشوق ننتظر الحلقه الاخيره هههههههههه يله عاد عجلي يا عسوله ننتظر التكلمه ...

[برنتووو]

يسلموووووووووووووووو ياقلبووووووووووووووو

ع المتااابعهـ

ولاعدمتك ياعسل

[برنتووو]

الجزء السابع


رجعت بسرعة عند البنات لكن خياال الريال اللي شافته ما فارقها لحظة، حست إنها تعرفه من زمان..

منار: رديتي بسرعة، عيل وين الألبوم؟؟

الريم: الألبوم عند شما و أنا راجعت عشان أسألها عن مكانه..

شما: في الدرج الأول من التواليت بس لا تعفسي الدنيا تراني أمس مرتبة الدرج..

الريم: إن شالله، أقول منار، تعالي أباج شوي..

منار: قولي..

الريم: أباج في كلمة راس..

منار: أوكيه و سحبتها و ظهرتها برع و راحن صوب البلكونة..

الريم: من الشباب اللي بالميلس؟؟

منار: اخواني و عيال عمامي و ربعهم، ليش تسألي؟؟

الريم: بعدين بخبرج، و إلا أقول تعالي معي بيت خالي..

منار: أوكيه بس تريي شوي بييت عباتي و أترخص من ماماتي..

الريم: ما له داعي تزعجي خالتي خليها راقدة سيري ييبي عباتج أترياج..

منار: أوكيه و راحت عنها..

بعد ما يت منار ظهرن البنيات صوب بيت أبو سعيد و هن يمشن فالحوي لاحظت الريم وجود الريال..

الريم: أقول منار من الريال اللي واقف حذال الياسمين؟؟

منار: هذا حمدان ربيع الشباب..

الريم: آها و إنتي من وين تعرفينه؟؟

منار: هذا صديق طفولة أحمد من أيام البيت الجديم إذا تتذكرينه..

الريم: هذا اللي كان دايما يلعب معاي؟؟

منار: هيه هو و اللي جازيتيه بإنج فريتيه بحصاة و فلعتي له حاجبه..

الرين و هي تتذكر: ههههههههه كان يستاهل..

منار: شو يستاهل الله يهديج؟؟

الريم: هو اللي بدى، ما حد قاله يمط شعري..

منار: بس اللي شفته إنه كان يحاول يفتك لج شعرج بعد ما علق بسور الشوك..

الريم:هههههههه و الله ذكريات شحلاتها أيا ليت الطفولة تعود يوما لأخبرها بما فعل الشباب..

منار: كأنج يا حبوبه غيرتي البيت كامل، يالله وصلنا روحي ييبي الألبوم و أنا بترياج هني..

الريم: أوكيه بس أول شو تشربي؟؟

منار: ماي الله يخليج..

الريم: من عيوني..

منار: تسلم عيونج..

راحت الريم و يابت لها ماي و بعدين راحت حجرة إختها عشان تييب الألبوم و بعد ما حصلته رجعت لمنار و رجعن لبيت سلطان..

الريم و هي تدخل البيت: ما شالله الريال عايبته القعدة و ماراضي يدخل الميلس..

منار: شو تبي فيه خلينا ندخل..

الريم: منار هذا مب كأنه أخوي أحمد ياي صوبنا؟؟

منار: هيه هو..

أحمد: السلام عليمكن الشيخات..

البنيات: و عليك السلام..

أحمد: شحالج الريم؟؟

الريم: بخير ربي يعافيك..

منار: خير يا أـحمد شو تبى؟؟

أحمد وهو يظهر شي من جيبه: سلامتج بس حبيت أعطيج هذي..

الريم: هذي سويرتي كيف وصلت عندك؟؟

أحمد: ربيعي حصلها طايحة و عطاها لي..

الريم و هي تاخذ اسوارتها: متى طاحت؟؟

أحمد: اسألي عمرج، و الحين يالله داخل..

دخلن البنات و رجه أحمد لحمدان اللي من شاف الريم وهو مب قادر يشل عينه عنها..

أحمد: حمدان، حمدان، حمداااااااااااااااااااااااااااان..

حمدان: شو بلاك معلي صوتك كأني ساكن بالمريخ..

أحمد: من متى أناديك ليش ما ترد علي؟؟

حمدان: ما سمعتك..

أحمد: شووووووووو؟ كل هالصوت العالي و ما سمعتني؟؟ اللي ماخذه عقلك تتهنى به..

حمدان فخاطره : آآآآآآآآآآمين..

حمدان: إلا أقول الإسوارة اللي حصلتها لمن؟؟

أحمد: لبنت عمتي..

حمدان: الريم؟؟

أحمد: ما شالله للحين ذاكر اسمها..

أحمد: و اللي شاف العذاب و الويل اللي شفته منها ممكن ينسى اسمها؟؟

أحمد: أشهد إنك مب صاحي..

حمدان: ليش و اللي يحصل له فرة حصاه و هو ياهل و بدون سبب يكون صاحي؟؟
لا و بعد أثر الضربة لحد الحين موجود و مشوه جمالي اليوسفي..

أحمد: الحمد لله و الشكر، أقول الطيب شو رايك تقصد لنا بالمرة؟؟

و بهالحظة ظهر عمر لهم: لا يكون عايبتنكم القعدة هني؟؟

أحمد: الجو حلو..

عمر: يعني ما بتدخلوا؟؟

حمدان و هو يسحب أحمد: لا بندخل..

أحمد: وين يا بو الشباب بعدنا ما كملنا كلامنا..

حمدان: بعدين بنكمله..

أما عند البنات فكانن يطالعن تلورو يعلقن و الريم و شما يخبروهن عن الصور لين ما وصلوا لصورة بنت حلوة..

الريم: هذي بوجا هندية كانت تسكن فنفس المنطقة اللي كنا ساكنين فيها..

ميرة: ما شالله عليها حلوة..

شما: و تعرف تحني وااااااااااايد حلو حتى علمت الريم..

منال: قولي والله..

شما: و الله..

الريم: ما عليكن منها تبالغ..

شما: أنا أبالغ، إنزين عطوني الألبوم و أنا براويكن و فتحت على آخر الألبوم و راوتهن النقوش اللي راسمتنها الريم..

أسماء و هي تأشر على واحد : هذا حلو..

منال وهي تأشر على نقشتين: و هذا بعد حلو، و هذا بعد..

ميرة وهي تأشر على آخر نقشة: هذا ما عليه كلام يسكّت..

أسماء: ما شالله عليج يا الريم، و الله و طلعتي تعرفي تحني ، أنا ما يخصني اليوم ما بظهر من بيت عمي إلا و إنت محنيتني..

الريم وهي مستحية: حاضرين للطيبين بس ما يخصني إذا ما طلع حلو..

أسماء: لا تحافي إن شالله بكون حلو..

الريم: أوكيه بس من وين الحنة؟؟

منار: مب مشكلة بطرش خلود الصالون..

شما: حرام عليج تطرشيه و هو ما عنده ليسن..

منار: الصالون قريب و ما يباله سيارة..

اتصلت منار لأخوها اللي في البداية ما رضى لكنه رجع و غير رايه لسبب خفي و ياب لهم 4 معاصير حنة..

وداد: أذّن يا حلوات..

الريم: يالله بنصلي و بنبدى..

و قامن البنات يصلن و الشباب راحوا المسيد..


بعد الصلاة..

فحجرة منار..

الريم: أسما إنتي أول وحدة إذا عيبج كان بها و إذا ما عيبج ما يخصني..

أسماء: خلاص ما عليه..

وداد: أسوم إنتي أول وحدة و أنا بعدج..

منال: وأنا بعد وداد..

ميرة: وأنا بعد منال، و إنتي يا منار ما تبي تتحني؟؟

منال: هذي تموت على شي اسمه حنه..

منار: بلى بتحنى بس بعد شما..

شما: بس أنا ما أبى..

منار: مب حلوة،كلنا نتحنى و إنتي لاء..

شما: موافقة بس بعدج..

منار: لا يا حلوة أنا آخر وحدة..

شما:خلاص موافقة..

أما عند الشباب..

سلطان : شباب شو رايكم نلعب طايرة؟؟

علي :مب مشكلة ، بس وين بنلعب؟؟

أحمد:في المساحة الفاضية ورى البيت..

عمر: انا ما عندي مانع..

أبو راشد: و أنا بعد خاطري ألعب..

علي: بس في مشكلة..

خالد: شو مشكلته بعد؟؟

علي: إحنا ما عندنا لبس و أنا مب مستعد ألعب بكندورة بيضة..

أحمد: مب مشكلة كل واحد يروح بيته و اييب له لبس..

حمدان: عيل أنا أترخص..

محمد: و إحنا بعد..

أحمد: وين؟؟ و إلا خايفين تنغلبوا نفس كل مرة؟؟

حمدان: لا طبعا..

أحمد: يالله عيل روحوا بدلوا و تعالوا، نلتقي ورى البيت بعد نص ساعة أوكيه؟؟

الشباب: أوكيه..

نرجع صوب البنات..

منال: أقول أسوم، إنتي باجر عندج شغل..

أسماء: لا طبعا عندي إجازة..

منال: شو رايكم تباتوا عندنا؟؟

منار: فكرة حلوة..

ميرة: الود ودنا بس الوالد و الوالدة ما يعرفوا يباتوا برع البيت..

وداد: مب مشكلة عمي خلوه علي أنا..

منار وهي تكلم وداد: يالله عيل قومي نقنع عمي..

و قبل لا تظهر منار رن تلفوناه و كان أحمد متصل..

منار: مرحبا..

أحمد: مرحبتين كبار، أقول منار أحنا الحين صاعدين فوق وقبل لا يكمل كلامه سمع منار تنادي وداد: وداد تريي شوي..

أحمد: يالله باي..

منار: بايات..

وداد اللي ما سمعت منار يوم نادتها طلعت ولا همها و أول ما وصلت الصالة شافت أحمد بويهها..

أحمد وهو مستانس: حيى الله بنت العم..

وداد و ويهها غادي أحمر: الله يحييك يا ولد العم، شحالك؟؟

أحمد: الحمد لله بخير، شحالج إنتي؟؟

وداد: الحمد لله بخير..

ومن الطابق الأرضي سمع أحمد صوت إخوانه..

أحمد: و الحين ممكن تردي لحجرة منار؟؟

وبدون ما تجاوبه رجعت للحجرة بسرعة..

ميرة: شو بلاج تنتفضي من راسج لريلج؟؟ وويهج بلاه أحمر من الطمامة؟؟ و ليش تتنفسي بسرعة؟؟ لا يكون مشاركة بمارثون ؟؟

وداد: الحين مب متفيجة لج،منااااااار يا السبالة ليش ما خبرتيني إنه أخوج كان بالصالة؟؟

منار: أنا زقرتج بس انتي مستعيلة و ما سمعتيني..

شما: أي أخو فيهم؟؟

ميرة: من متى صرت ملقوفة يا بنت العمة؟؟

منار: ما تنلام دام إنه وداد عندها 24 في 24 ساعة في اليوم..

خلصت الريم من أسما: ها شو الراي؟؟

منال: تسلم ايدج يا الريم..

ميرة: يسلم فنج يا بنت العمة..

الريم: الله يسلمكن يا بنت العم..

منال: وداد دورج و إذا بتبدلي معاي تران يحاضرة..

وداد: فأحلامج يا حلوة..

الريم: ها أسوم شو رايج؟؟

أسماء:الصراحة تسلمي والله وااااااااايد حلو ، شو رايج نفتح صالون الفلوس علي و الجهد عليج..

الريم: مشروع ناجح..

أسماء: و منال هي اللي اتمكيج..

منال: موافقة بس في الإجازات..

الريم: أسوم إنتي من صدجج و إلا تتمصخري؟؟

أسماء: لا ما أتمصخر..

الريم: خلاص عيل اليوم بنجتمع و يا خوالي و بنطرح عليهم الفكرة، و الحين دور من؟؟

وداد: دوري بس ممكن أبدل مع منال..

منال: و أنا ما عندي مانع و إنتي بتاخذي دوري؟؟

وداد: لا أول بكلم عمي محمد و بعدين بتحنى..

منار: الريم أنا أبى أتحنى عقب صلاة العشا..

الريم:ما عندي مانع ..

وداد: و أنا بعد..

الريم : على راحتكن..

و بعد شوي اتصلت منار بأحمد عشان تعرف إذا في حد بالبيت و إلا لا..

منار: أنا رايحة المطبخ ، حد يبى شي؟؟

الريم: إذا ما عليج أمارة أبى عصير برتقال..

شما: و أنا بعد أبى عصير..

منال: و أنا أبى شاي..

ميرة: أنا أبى نسكافيه..

منار: و إنتي يا أسما ، ما تبي شي؟؟

أسماء: أبى لبن إذا شي..

منار: الحين 2 عصير برتقال، 1 شاي، 1 نسكافيه و 1 لبن..

ميرة: لا تنسي صحن الكيك..

منار: إن شالله، و إنتي وداد ما لا تبي شي؟؟ و إلا بتيي وياي؟؟

وداد: لا بروح وياج..

في المطبخ..

منار اختارت تسوي الشاي و النسكافيه و وداد إختارت تسوي العصير..

منار: وداد، تتذكري الموضوع اللي كلمتج عنه قبل لا تتوفى عمتي؟؟

وداد باستهبال: أي موضوع؟؟

منار: موضوع أحمد..

وداد و هي مستحية: تذكرته و بعدين؟؟

منار: إنتي ما رديتي علي خبر و الحين أبى أعرف إنتي موافقة و إلا لا؟؟

وداد: بعد كلمة خوي و أميه ما لي كلمة..

منار: يعني هيه و إلا لا؟؟

وداد: ...........

منار: ردي علي لا تمي ساكتة..

وداد: هيه و شردت من المطبخ و بدون ما تشوف جدامها و دعمت بأحمد اللي كان قريب من المطبخ و شكله سمع اللي دار بين منار ووداد لكنه ما علق على شي..

أحمد: السموحة منج الشيخة..

وداد وهي ميتة من الحيا: أسفة ما شفت جدامي..

بعد ما قالت هالجملة ركضت فوق وهي حمرا، البنات انتبهن لكن ما حبن يحرجنها أما أحمد فدخل عند إخته و شرب له عصير..

منار: أحمد، إنت من متى موجود؟؟

أحمد: قبل شوي..

منار: أكيد سمعت كل الكلام..

أحمد ما رد عليها و كمل شرب العصير..

منار: و الحين عرفت ردها، اليوم تكلم باباتي و ماماتي عشان يخطبوها لك..

أحمد: إن شالله..

منار: اليوم مب باجر..

أحمد: لو الموضوع بايدي الحين أروح أخطبها و باجر أملج عليها و اللي عقبه أتزوجها..

منار: الله يوفجك يا خوي و يسعدك مع وداد ولا يحرمكم من بعض..

أحمد: آآآآآآآآآآآآآآآآآآآآآمين ، عقبالج..

بعد ساعة تقريبا..

بعد ما خلصوا الشباب لعبهم كل واحد يتشكى من شي..

خالد: آآآآآآآآآخ يا خشمي..

سلطان: ما حد قال لك ما تركز و إنت تلعب..

خالد: حشى مب كورة هاي، الحصاة أهون عنها..

علي: إنت أهون مني..

حمدان: ما يسوي عليكم المباراة اللي لعبتوها و إنت يا علي ما تشوق جدامك تتحرى نفسك على شاطي البحر..

يوسف: حتى الشاطي في حصى..

أبو راشد: إلا أقول علوه بعد اليرح ينزف؟؟

علي: لا وقف..

سلطان: أقول علوه شو بتقول لأميه إذا سألت عن اليرح؟؟

علي:ما بخليها تشوفه..

يوسف وهو مهتم: كيف؟؟

علي: الحين بروح بيتنا و بسبح و بلبس كندورة و بتعصم..

يوسف: بس العصامة بتشد على اليرح و بينزف مرة ثانية..

علي: مب مشكلة، بحطي لزقة و عقب بتعصم..

يوسف: ومنكم نستفيد..

محمد: إنت بالذات لا تحاول لأنه هالطريقة ما بتنفع معاك و إنت عارف هالشي..

يوسف وهو محبط: لازم يعني تصكرها بويهي؟؟

محمد: لأنه حرام إنك تقص على عمرك..

سلطان: ليش عاد؟؟

محمد: يطول لي بعمرك، أميه إذا عرفت إنه لعب كورة بتكشف عليه و بتحلفه إنه ما تأذى أو انيرح..

حمدان: وليش كل هذا؟؟

سالم: لأنه الحبيب مرة من المرات كان يلعب كورة و إنكسرت ريله و ما خبر حد إلا بعد ثلاث أيام..

يوسف: هههههه لازم الفضايح يعني؟؟

سعيد: أيام ما كان أحمد ثانوية عامة، كنا نلعب كورة قدم كل الشباب بما فيهم حمدان، كنا أنا و سلطان وحمدان و خالد بفريق و أبو راشد و أحمد و علي و عمي عمر بفريق و كنا خسرانين 1 صفر..

يوسف : الشباب فريق و الشياب فريق..

علي: شياب ها؟؟ لا تنسى تراك منا..

يوسف: الاعتراف بالحق فضيلة، إنزين و بعدين شو صار؟؟

سعيد: حمدان من كثر ما هو متأثر بالكبتن ماجد أونه يبى يقلد بسام و شات الكورة بكل قوته لكنها للأسف بدل ما تروح صوب المرمى راحت صوب عين أحمد اليسار..

أحمد: لا تزيد المواجع خلني قد نسيت..

لا تقلب في قلبي صفحة الذكريات..

بس بصراحة ذاك اليوم شفت نجوم الليل يوم ياتني الكورة بالعين..

محمد: و بعدين شو صار؟؟

سعيد: ركض حمدان و ما شفنا غير غبرته..

سلطان:هههههههههههههه ههههههههههههههه هههههههههههه..

عقب ما ضحك سلطان انهدوا الشباب ضحك إلا حمدان: ههههههههههههههههههه ههههههههههههههههههه ههههههههههههههه

حمدان: ممكن أفهم ليش الضحك؟؟

سلطان: لو إنك شايف شكلك و إنت تشرد كنت عرفت ليش ضحكنا..

سعيد: و تدرون بعدين شو صار؟؟

سالم: لا شو صار؟؟

سعيد: أحمد و حمدان غابوا يومين عن المدرسة لأنه أحمد انتفخت عينه و حمدان كان خايف من أحمد..

يوسف: وليش خايف؟؟

سعيد: أونه خايف إنه أحمد يزعل منه و ما برمسه..

حمدان: لكن الحمد لله إحنا مثل الإخوان و أكثر بعد و إلا شو رايك يا أحمد؟؟

أحمد: أكيد: بس بردها لك في يوم من الأيام تراني ما نسيتها..

أما منار فرجعت عند البنات و هي شالة صينية فيها طلبات البنات..

ميرة: هلا و غلا: هلا و الله بالمحمول و الحامل..

منار ما انتبهت لجملة بنت عمها إلا عقب ما ناولتها النسكافيه و صحن الكيك..

و عقب عطت كل وحدة طلبها..

منار: يا جماعة، قولن مبروك..

الكل : مبروك بس على شو؟؟

منار: ما بقول لكن..

منال: منّورة حبيبتي قولي لي تراني إجتج الكبيرة و الوحيدة..

بالرغم ن إنه وداد تعرف السبب إلا إنها شاركت البنات فضولهن: مناري، أنا ربيعتج الغالية عليج و صديقتج من الطفولة و جارتج الباب بالباب يالله خبريني..

منار: أقول؟؟

الجميع: قولي ذليتينا..

منار: يقول اللي سهر ليله..

و شاف البعد في ويله..

و يحط الهم و يشيله..

يعد الوقت و الساعات..

لا تندم على ما فات..

ميرة: منار، ترانا عطيناج ويه زيادة عن اللزوم بتقول و إلا لا؟؟

منار: لا ما بقول..

الريم: يا خبر اليوم بفلوس، باجر ببلاش..

منار: هيه باجر ببلاش بس بعد ما بقول..


:
:
:
:
:
:
:
:

(:

برنتوووووووووووووووووو

[اهم شيء الاخلاق]

وربي روحي طلعت روحي حرام عليك كملي لا تعذبينا مرررررررررررررررررررره حلوه ومشوقه الله يعطيك العافيه بس الله يسعدك كملي حاموت استنى بفارغ الصبر

[برنتووو]

ربي يسلم روحك من كل شر ياقلبوووو


ولا يهمك الحين راح اكملهااا

ويسلمووو ع المتابعهـ ياعسووولهـ

[برنتووو]

سلاااااااااااام


الجزء الثامن..



منار: وداد..

ميرة: هيه بلاها؟؟

منار: عمي وصل قومي عشان نروح له..

ميرة: يا السخيفة..

منار: طالعة عليج..

وداد: ادعوا إنه عمي يوافق..

أسماء: أصلا باباتي طيب و أكيد بوافق..

ميرة : حتى إنتي ما سلمتي من منار..

راحن منار و وداد صوب عمهن محمد اللي كان قاعد مع إخوانه و حريمهم و حرمته..

منار و وداد: السلام عليكم..

الشواب: و عليكم السلام ورحمة الله وبركاته..

منار: شحالكم شوابنا؟؟

الشواب: بخير الحمد لله ربي يعافيج..

عمر : شاب راسج يا منار..

منار: أقول عمي..

رد عليها عمر: نعم..

منار: مب إنت يا عمر أنا أقصد عمي محمد..

محمد: خير يا بنياتي..

منار: عمي، شو رايك تبات عندنا اليوم؟؟

عمر و هو يبى يرفع ضغط منار شوي: ما عندنا بنات يباتوا برع البيت..

منار: ها عمي شو قلت؟؟

عمر: كلام الملوك لا يعاد..

منار: عمر..

عمر: شو عمر هاي؟؟ لا تنسي إني عمج و أكبر منج ( بهاللحظة مسك منار من إذنها) اسمي العم عمر مب عمر حاف..

منار: إن شالله عمي بس بطل إذني..

وداد: خالوه شو قلتي؟؟ أدري به عمي ما برد علينا لين ما يعرف رايج..

أم علي: أنا ما عندي مانع..

أبو علي: و أنا بعد ما عندي مانع دام إنه أمهن موافقة..

عمر: بس أنا عندي مانع..

وداد وهي تتدلع على عمر: عمي ، الله يخليك تدري إني أحبك واااااااااايد لا تعارض..

منار: لا تخليه يقص عليج هذي حركاته أعرفها هو يبى يرفع لنا الضغط و بعدي بقول عادي..

عمر: و إنتي شو عرفج؟؟

منار: أذكر مرة قلنا لك طلعنا و إنت أونك مب راضي و ما عندك غير كلمة لا لا لا و بعدين قلت لنا إنك تتمصخر..

وداد: أميه ، أقدر أبات أنا و بنات عمتي؟؟

أم سعيد: أكيد..

عمر: عيل ما حد بكون معاج في البيت..

منار: خلاص عيل بنغير بنبات في بيت عمي راشد..

وداد بدفاشة: لا عكيفج، اسألي البنات و بعدين يصير خير..

عمر: خليها تتحرى عمرها الناطق الرسمي باسمكن..

منار: الله يسامحك يا عمي، وداد أنا بروح..

عمر: أونه الحلو زعل..

منار و هي متجاهلة كلام عمر: وداد بتيي وياي و إلا بتقعدي؟؟

وداد: لا بقعد شوي..

منار: على راحتج و سارت عنهم و قام عمر و لحقها و مسكها من شعرها..

عمر: منار، زعلتي؟؟

منار: لا ما زعلت..

عمر: طالعيني..

منار: أول شي بطل شعري..

عمر: ما ببطله لين ما ترفعي راسج و تطالعيني..

منار و هي ترفع راسها: ها رفعت يالله بطل..

عمر: أول شي قولي إنج مب زعلانه..

منار: مب زعلانه ، يالله بطل..

عمر: ما ببطل، شو بتسوي؟؟

منار و هي تحاول توصل لشعر عمها: بمط شعرك..

عمر: أول شي طوليه..

منار: عمر ، إنت كم طولك؟؟

عمر: 175 تقريبا..

منار: كأنك واااايد قصير؟؟

عمر: الطول هيبة و القصر خيبة، إنتي كم طولج؟؟

منار: 157، شالله عمر بطل شعري..

عمر: ببطله بس بعد طلب مؤدب..

منار: عمي عمر،لو سمحت و تكرمت وتعطفت ممكن تبطل شعري؟؟

عمر: لحظة بفكر أممممممممم .............. ممكن..

و أول ما بطل شعرها ركضت منار صوب الزراعة و سحبت فوز الماي و رشت عمها..

عمر: يا السبالة، شو سويتي؟؟

منار: أوه عمي إنت هني؟؟ من متى؟؟ السموحة منك ما شفتك..

عمر: ما شفتيني ها؟؟ و يركض صوبها و أول ما شافته فرت الفوز و ركض لداخل البيت..

عمر: صبرج علي إذا ما أردها لج ما أكون عمر..

منار: ههههههههههههههه بنشوف..

رجع عمر عند إخوانه وهو متخرس بالماي من راسه لريله..

وداد: ههههههههههه عمي شو صار لك؟؟ توك كنت لابس و كاشخ و الحين متخرس بالماي..

عمر: كله من بنت عمج الخبلة..

وداد: من ؟؟ منار؟؟

عمر: ليش في بنت خبلة في العيلة غيرها؟؟ أكيد منار..

و بعد شوي دخل أحمد البيت و شاف الشياب متيمعين و راح صوبهم و أول ما شاف عمه نقع ضحك عليه..

أحمد: هههههههه ههههههههه هههههههههه..

عمر: كملت كنا بوحدة و صاروا اثنينه، ممكن أعرف يا أخ أحمد ليش تضحك؟؟

أحمد: عمر، توك طالع سابح مسرع ما عرقت؟؟
عمر: كله من إختك..

أحمد و هو مب مصدق:منال؟؟

عمر: لا مب منال أقصد إختك الخبلة منار..

أحمد فخاطره : زين ما سوت فيك و طلع التلفون من مخباته و بدون لا ينتبه عليه عمه صوره و طرش الصورة لحمدان و علي ، الكل انتبه على حركة أحمد إلا عمر و نقعوا ضحك حتى وداد أما عمر فكان مثل الأطرش فالزفة مب عارف شو صار..

عمر: الحمد لله و الشكر، الكل استخف، أروح أبدل ملابس أبرك لي..

و فجأة وصلته مسج و أول ما شافها عرف السالفة صد على ورى صوب أحمد اللي كان يتسحب شوي شوي صوب باب البيت عشان يشرد..

عمر: أحمااااااااااااااااااااااااااااااااااااااااااااااا ااااااااااااااااااااااااااااااااااااااااد..

أحمد: يالله بااااي مواعد الربع و ما أبى أتأخر عنهم و يركب السيارة و يروح..

عمر: أبى أفهم شو ياينهم عيالك يا سلطان علي اليوم؟؟ منار من صوب و احمد من الصوب الثاني..

سلطان: ما أدري فيهم..

وداد: برخصتكم أنا بروح صوب البنات..

عمر: إلا وينهن ما شفت وحدة منهن غير الخبلة..

وداد: قاعدات فحجرة منار يتحنن..

أم أحمد وهي مستغربة: ومن اللي يحنيهن؟؟

وداد: الريم..

عمر: ومن اللي خلصت منهن؟؟

وداد: أسوم و منال..

عمر: طرشيهن صوبي أبى أشوف الحنة..

وداد وهي تضحك: ههههههههه الحين؟؟

عمر: هيه ............... لا لا لا بعد شوي و إلا أقول بعد ما أبدل بروح صوبهن..

راحت وداد وهي تضحك..

عمر: بسج ضحك..

وداد: ما بوعدك، بس بحاول..

راحت وداد صوب البنات و لقت منار على حالها تضحك شرات الهبلة و البنات مب عارفات السبب..

ميرة: أخيرا ييتي..

وداد: خير شو صار؟؟

شما: منار من يات و هي تضحك و زاد ضحكها عقب ما وصلتها مسج..

وداد: ما خبرتكن باللي صار؟؟

ميرة : لا ما خبرتنا شي..

وداد: ولا راوتكن اللي وصلها؟؟

شما: لا ما راوتنا شي..

وداد: عيل أنا بخبركم و خبرتهن باللي صار بين منار و عمر و شو اللي سواه أحمد و شو المسج اللي وصل لها..

نقعن كلهن ضحك..

وداد: بسكن عاد بعد شوي بمر عمي عليكن عشن يشوف الحنة..

سكتن البنات و غيرن الموضوع و بعد دقايق دخل عليهم عمر و البنات أول ما شافنه ضحكن إلا الريم اللي مسكت عمرها عن يتفشل عمها أكثر..

عمر: الريم بلاهن إختج و بنات خوالج؟؟

الريم:ما أعرف اسألهن..

طالعهن عمر وهو مستغرب حتى شما كانت تضحك لدرجة إنه عيونها دمعن و كانت هذي أول مرة يشوفها تضحك بهالشكل عقب وفاة والدينها و فجأة طالع وداد بنظرات: وداد شو قلتي لهم..

وداد: ههههههههه سألني عن حالة منار اللي كانت تضحك و خبرتهن..

حزت بخاطر عمر: يعني أنا الحين صرت مضحكة لبنات إخواني؟؟ الله يسامحكم وقام عنهن وهو شال في خاطره عليهن..

مسكته الريم من ايده: أفا يا خالي على الأقل شوف الحنة و عطني رايك و راوته أيادي أسما و منال..

عمر: ما شالله عليج يا الريم تيلم هالأيادي ، مب نفس ناس و طالع بنات خوانه بنظرات..

الريم: الله يسلمك من كل شر الغالي..

عمر: أقول الريم من الحين أخبرج كل أسبوع أباج تحني حرمتي..

الريم : إن شالله من عيوني، إنت بالأول تزوج..

عمر: تسلم العين و راعيها،إن شالله جريب..

منار: و الله عمي؟؟ من هي؟؟ اعرفها؟؟ إنزين متى؟؟

تجاهل عمر منار: يالله الريم عن إذنج..

الريم: إذنك معك فديتك..

عمر: أنا رايح السوق تبي شي؟؟

الريم: أبى كاكاو..

عمر: إن شالله و بعد ما ظهر عنهن صدت الريم صوب البنات تهزبهن عيب عليكن زعلتن خالي و أحرجتنه..

ميرة: أدري والله بس غصبن عني و الله ادري إنها حركة مب حلوة بس أول ما شفته تذكرت اللي قالته وداد و ضحكت..

أسماء: و أنا بعد..

منار: عيل إنتوا لو شفتوا الصورة شو بتقولوا؟؟

وداد: راويينا..

منار: كل وحدة تشغل البلوتوث و بطرشها لكن..

أسماء: شما ممكن تشغلي مالي..

شما: حاضرين بس وين مبايلج؟؟

أسماء: على التواليت..

طرشت منار الصورة لكل البنات اللي ضحكن وكان صوتهن واصل لعند الشواب تحت و بالصدفة كان أحمد موجود و اتصل لمنار..

أحمد و هو معصب: منار، شو هالضحك اللي واصل لآخر الشارع؟؟

منار: بسم الله الرحمن الرحيم، إنت من وين ظهرت؟؟

أحمد: أنا في البيت عند الشواب..

منار: و الله؟؟ و عمي عمر موجود؟؟

أحمد: لا ماحد..

منار: هذي فرصتك ، الكل مجتمع..

أحمد: إن شالله..

منار وهي تكلم البنات: بسكن ضحك ما أقدر أسمع أحمد و البنات من سمعن كلامها صخن مرة وحدة و ردت منار تكلم أحمد: طمني بعيدن..

أحمد: إن شالله ، باي..

منار: مع السلامة..

الريم: مياري دورج الحين..

ميرة: أوكيه..

بدت الريم تحني ميرة و انشغلت منال بأسماء و قعدن يرمسن عن الشغل أما شما فراحت صوب رشودي و فضى الجو لمنار و وداد..

وداد: شو بلاه أحمد؟؟

منار: كان يسأل ليش صوت ضحكنا واصل لتحت..

وداد: ليش هو هني؟؟

منار: هيه و الحين بكلم باباتي و ماماتي عشان يخطبوج..

وداد وهي مستحية و حاولت تغير الموضوع: أقول بنات عمي وافق تباتن عندنا اليوم بس في بيتنا مب في بيت عمي سلطان..

منال: و ليش ما نبات في بيت أبويه؟؟

وداد: لأنج إنتي هني و أنا و الريم و شما بنبات عندكم و ما حد بكون مع أميه..

أسماء: ما فيه فرق بين بيت عمي سلطان و بيت عمي راشد..

أما عند الشواب..

أحمد: أميه أبويه قررت أعرس..

أم أحمد: هذي الساعة المباركة يا وليدي، تباني أدور لك و إلا تبى وحدة من بنات عمامك؟؟

أحمد : الصراحة و سكتت..

أبو أحمد: بلاك سكتت لا يكون مستحي من عمك و الحريم؟؟

أحمد: لا مستحي ولا شي بس..

أم أحمد: بس شو؟؟

أحمد بسرعة: أنا أبى وداد و قام..

أبو أحمد: وين رايح؟؟

أم أحمد: شكله الولد مستحي..

أبو أحمد: إنزين ما تبى تعرف راينا؟؟

رجع أحمد و قعد وياهم..

أبو أحمد: أنا موافق..

أم أحمد: و أنا بعد موافقة ، وداد بنت حشيم و الكل يتمناها و إنت ولد عمها و أولى بها..

أحمد وهو يكلم أم سعيد: شو خالتي ما تكلمتي و إلا ما تبيني أكون ريل بنتج..


أم سعيد: لا فديتك إنت ريال و النعم فيك الكل يتمناك لبنته بس لازم أشاور سعيد والبنت و لا تنسى هذا زواج و الزواج قسمة و نصيب..

و بعد ما خلصت كلامها دخل سعيد بيت عمه و شاف الشواب و راح صوبهم يسلم عليهم:
السلام عليكم، شحالكم يا عرب؟؟

اليميع: و عليكم السلام ورحمة الله وبركاته إحنا بخير..

أم سعيد: ييت و الله يابك يا ولدي..


سعيد: خير الغالية..

أم سعيد: خير إن شالله، أحمد ولد عمك يبى يتزوج إختك..

سعيد: صدج هالكلام أحمد؟؟

أحمد: هيه نعم..

سعيد: خشمك يا النسيب و قام خاشم أحمد..

أحمد: يعني إنت موافق؟؟

سعيد: أكيد، و ظنتي إنه ما حد بحب إختي و بقدرها مثلك..

أحمد بصوت واطي: تسلم و الله إنك فاهمني بس كأنك فضحتني؟؟

سعيد: لا فضحتك و لا شي الحب مب عيب ولا حرام و لا تنسى أنا بعد كنت أحب منال من
الطفوله..

احمد: هيه صح أتذكر خبالك عدل..

سعيد: أي خبال؟؟ أنا ما سويت شي..

أحمد: أونك ما تعرف..

سعيد: الصراحة ما اتذكر..

أحمد: تتذكر الورود الحمرا اللي كنت تطرشها لمنال ورى إختك؟؟و بعــــ

و سكته سعيد قبل لا يكمل رمسته: هيه تذكرت ، خلاص طب السالفة..

أحمد: هههههههه إن شالله..

سعيد:أميه ، شاورتي وداد و إلا بعدج؟؟

أم سعيد: لا أبويه بعدني ، أباك إنت تشاورها إنت ولي أمرها بعد أبوك الله يرحمه..


سعيد: إن شالله و إتصل بإخته و قال لها تلبس عباتها و تظهر له عند الباب و هو يترياها في السيارة ، ركبت وداد سيارة أخوها: خير يا سعيد..

سعيد: خير إن شالله بس أباج بموضوع..

وداد: تفضل أسمعك..

سعيد: تريي شوي بخذج لمكان نقدر نتكلم فيه على راحتنا و راح صوب البحر لما وصلوا
نزلوا و تمشوا و شروا لهم سندويشات و عصير و قعدوا مجابل البحر..

وداد: خير يا سعيد..

سعيد: وداد إنتي تعرفي إنه أحد يحبج من زمان..

وداد وهي منزله راسها: هيه..

سعيد: و اليوم أحمد طلبج من أميه..

رفعت وداد راسها و نزلته مرة ثانية:و بعدين؟؟


سعيد: أميه موافقة و أنا بعد موافق و باقي رايج بس بغيتج تتأكدي إنه إذا ما تبي أحمد ما حد بيغصبج عليه و ما حد بعارض قرارج لأنها بالأول و الأخير حياتج إنتي و لا تخافي ما حد بيزعل منج أبدا.. و أحمد إنتي تعرفينه من زمان ريال الكل يمدح فيه و في أخلاقه، أن اخبرتج و أبيج تفكري عدل و تردي علي خبر..


وداد وهي مترددة: ما فيه داعي أفكر، منار خبرتني عن هالموضوع بدون علم أحمد و أنا استخرت و ارتحت لأحمد وايد و هو ولد عمي و ما حد بداريني كثره..

سعيد: يعني إنتي موافقة؟؟

وداد: هيه..

سعيد: و مقتنعة برايج؟؟

وداد: هيه..

سعيد: ما حد غصبج؟؟

وداد: لا ما حد غصبني..

سعيد: ألف مبروك يا وداد، يا حظ أحمد فيج..

وداد: الله يبارك فيك..

سعيد: يالله نرد البيت..

وداد: يالله..

في الدرب خذ سعيد تلفونه و اتصل لأحمد رنة و طبعا هذا كان اتفاق بينهم و مضمونه إنه إذا وداد وافقت يتصل سعيد رنة و إذا رفضت يدق رنتين..

أحمد بعد ما دق عليه سعيد الرنة تخبل و على طول راح لمنار فحجرتها و دق عليها
الباب..

منار: خير يا أحمد..

أحمد باااااااااااركي لي يا منار وااااااافقت..

منار: ألف مبروك يا بو شهاب، الله يتمم على خير..

أحمد: أحس إني طاير من الوناسة..

منار: عسى هالوناسة دوم مب يوم..

أحمد: أنا الحين رايح عند حمدان أبشره.. يالله سلام..

منار: مع السلامة..

راح أحمد و دخلت منار الحجرة..

منال: شو بلاه أحمد كل ساعة ناط يباج؟؟

منار وهي مستانسة من الخاطر: خطب..

منال: شووووووووو؟؟ متى؟؟؟؟؟؟؟؟؟؟؟؟؟؟؟؟؟ و من؟؟؟؟؟؟؟؟؟؟؟؟؟؟؟؟

منار: خطب وداد اليوم وهي وافقت..

الريم: بذمتج هالخبر ليوم الدين..

منار: هيه بذمتي..

ميرة: آها عشان جي مساع كنت تبيانا نبارك..

منار: عليج نور..

أسماء: وينها الحين وداد؟؟

منار: مر سعيد عليها و خذها..

منال: سعيد ريلي؟؟

منار: هيه ريلج..

منال قامت تيبب و لحقتها أسماء و لحقتهن ميرة و الكل كان مستانس..

أما وداد فبعد ما رجعت كان ويهها أحمر و راحت صوب أمها اللي حضنتها : ألف مبروك
يا بنيتي..

بعدها ضمتها أم أحمد: يا حظ أحمد فيج..

و عقب حضنتها أم علي: ألف مبروك يا بنيتي تستاهلين كل خير..

عقب لوى عليها عمها أبو أحمد و لحقه محمد..

قعدت وداد معاهم شوي و عقب راحت صوب البنات اللي استلمنا يباركن لها..

وداد: الله يبارك فيكن و عقبالكن..

وبعد ما هدى الجو شوي عند البنات صاح رشودي..

وداد: فديت رشودي..

منار: و فديت خاله أنا..

وداد: منااااااااااااار؟؟ بسج عاد..

مار: شو بس؟؟ أتفدى أخوي، حرام؟؟

وداد: لا ما حرام..

منال: منار سيري هاتي رشودي و أنا بغسل ايدي..

منار: ما له داعي تغسلي..

منال: الولد يوعان و يباني أرضعه..

نروح صوب أحمد اللي راح لحمدان البيت و ما لقاه فاتصل به..

أحمد : حمدان إنت وين؟؟

حمدان: و عليكم السلام ، أنا عند محمد في بيتهم..

أحمد: من عندكم؟؟

حمدان: محمد و سالم و يوسف أخوهم و عمك و علي..

أحمد: ما حد يتحرك منكم الحين ياينكم..

حمدان: ما عليه بس ساير في الدرب..

أحمد: إن شالله..

و بعد دقايق كان أحمد في ميلس بيت محمد..

و أول ما دخل و قبل ما يسلم: باااااااااااركوا لي..

حمدان: بسم الله الرحمن الرحيم، الناس تسلم قبل..

عمر: الحبيب ناسي عمره..

أحمد: أوه نسيت لا تلوموني ، السلام عليكم جميعا..

اشباب: و عليكم السلام ورحمة الله وبركاته..

عمر: على شو نبارك؟؟

أحمد: خطبت..

حمدان: القلب؟؟

أحمد: هيه..

حمدان: ألف مبروووووووووووووووك..

أحمد: الله يباااااااااارك فيك..

عمر: إيه شو عنكم؟؟

أحمد: اليوم خطبت بنت عمي..

علي: إختي؟؟

أحمد: لا إخت سعيد..

قاموا الشباب يباركوا له...


مر الوقت بسرعة و أذن المغرب الشباب راحوا المسيد عقب كل واحد توكل على بيته و البنات على حالهن و أذن العشا و البنات على قعدتهن يصلن و يرجعن يتجمعن مرة ثانية، حتى العشا ما تعشن..

شما: أنا يوعانة..

ميرة: وأنا بعد..

الريم: يالله نروح المطبخ نشوف شو فيه من أكل..

راحن المطبخ وكلن و عقب راحن صوب الحريم..

الريم: أنا الحين بحني حريم خوالي سلطان و محمد و في بيتنا بحني خالتي فاطمة و إنتوا سبقوني و رتبوا الغرف و أنا و منال بنلحقكم بعدين..

منار: ليش منال مب أنا؟؟

الريم: لأن منال عندها جناحها أما إنتي لازم تختاري لج حجرة إلا إذا تبي ترقدي عندي أو عند وداد..

الريم وهي ترمس حريم خوالها: خالوه عايشة ( أم أحمد) مدي ايدج..

عايشة : ليش؟؟

الريم: بحنيج..

عايشة: ما له داعي تتعبي نفسج يا بنيتي..

الريم: لا تعب ولا شي..

عايشة: ظهرج بعورج..

الريم: عادي، يالله خالوه..

مدت أم أحمد ايدها و تحنت وهي تدق سوالف مع أم علي و أم سعيد ، خلصت الريم من أم أحمد ونادت أم علي: يالله خالوه موزة دورج..


موزة: لا يا بنيتي أول شي أم سعيد..

أم سعيد: لا إنتي أول..

منال: يالله خالوه موزة إنتي أول و عمتي فاطمة بتتحنى فالبيت..

حنت الريم أم علي و بعد ما خلصت: ها خالوه شو الراي؟؟

أم أحمد: تسلم ايدج يا الريم..

الريم: الله يسلمج خالوهو إنتي خالتي موزة ، شو رايج؟؟

أم علي: حلوة وااايد متى تعلمتي تحني ومن اللي علمج؟؟

الريم: الله يسلمج تعلمت من ربيعتي الهندية، كانت ساكنة بنفس المنطقة اللي كنا ساكنين فيها بلندن..

منال: عن إذنكم، و قامت تسلم على أمها و على أم علي..

أم أحمد: وين رايحة ؟؟ يالسين..

منال: بروّح، خالوه إنتي بتباتي بعد؟؟

أم علي: هيه..

منال: يالله تصبحوا على خير..

الحريم: و إنتي من أهله..

منال: أقول عموه بتيي ويانا و إلا بتتأخري؟؟

أم سعيد : بقعد شوي و بلحقكن..

سلمت الريم على حريم خوالها و راحت مع منال لبيت خالها راشد..

خلال هالوقت كانن البنات متلخبطات مب عارفات شو يسون و بالنهايه راحن يطالعن التلفزيون لين ما اين منال و الريم و بعد ما وصلن دخلن الصالة و لقن البنات و سلمنو سألت الريم عن الترتيبات..

وداد: الصراحة ما عرفنا كيف نقسم الحجر..

منال: شوووووووووووووووو؟؟ لييييييييييييييييييييييييش؟؟

وداد: أسما و مياري و منار إختارن نفس الحجرة..

الريم:أوكيه مب مشكلة، منار إنتي بترقدي معي أو مع وداد و الخوات بنامن بنفس الحجرة..

أسماء: موافقة..

ميرة : و أنا موافقة..

منار: و أنا موافقة..

وداد: و أنا بعد موافقة..

الريم: خلاص إنحلت المشكلة..

وداد: عيل وين أميه؟؟

منال: عمتي بتقعد شوي مع أميه و خالتي موزة..

الريم: و الحين دور من؟؟

وداد: دوري..

الريم: الحمد لله و الشكر، ممكن أسأل سؤال؟؟

أسماء: أكيد..

منار: إنتي تسألي بدون لا تستأذني..

ميرة: تفضلي..

الريم: ممكن أعرف ليش إنتن للحين لابسات العبي؟؟

أسماء : خفنا إنه سعيد يدخل الصالة و إحنا فيها..

الريم: أوكيه و إنتي يا وداد؟؟

وداد: لنفس السبب..

منال: ههههههههه هههههههههههه ههههههههههه و إنتي من متى تلبسين عباة و أخوج موجود فالبيت؟؟

وداد: هيه صح، تصدقوا نسيت إنه أخوي..

منال: وحد ينسى أخوه؟؟

وداد: ما قصدي بس أسوم قالت سعيد و أنا على بالي إنا بعدنا في بيت عمي سلطان..

الريم: آها فهمت..

اتصلت منال بريلها و قال له يتصل فيها قبل لا يدخل البيت و خبرته إنه البنات بباتن في بيتهم..

بعد ما تطمنن قامن و فصخن عبيهن و علقوهن و رجعن الصالة..

بدت الريم تحني وداد..

الريم: شما ممكن تسوي لنا شاي؟؟

شما: إن شالله بس شو؟؟ تبوا شاي عادي؟؟ و إلا شاي بالزعتر؟؟ و إلا شاي بالنعناع؟؟

الريم: شاي الزعتر أحلى (و شاورت البنات)في اعتراض على شاي الزعتر؟؟

البنات: لا..

شما: خلاص عيل 10 دقايق بالكثر و بيجهز الشاي..

سوت شما الشاي و شلته للبنات و راحت حجرتها لأن الريم طلبت منها تييب الألبوم اللي حاطين فيه صورهن وهن صغار..

دخلت شما الحجرة و لقت ورقة تحت الباب فتحتها و قرت اللي فيها و بعدين طوت الورقة و ضمتها تحت المخدة و شلت الألبوم و نزلت عند البنات لكن فكرها كان بعيييييييييييييييييييييييييييد واااااااااايد..

انتبهت لها منار: شما شو بلاج..

شما: ها؟؟ لا ما شي..

منار: على راحتج..

شما: أقول منار تعالي أبى أراويج شي بحجرتي..

قامت منار وراحت مع شما.. وفي الحجرة عطت شما الورقة لمنار اللي لقتها، قرت منار الورقة وهي فاتحة عيونها على الآخر و منصدمة من اللي تقراه..

:
:
:
:
:
:


شو المكتوب في الورقة؟؟
من اللي مطرشنها؟؟
و كيف وصلت لشما؟؟
أحمد خطب وداد يا ترى شو اللي يترياهم في المستقبل؟؟



شو رايكم بالجزء...............عجبكم ولا انزل غيره خخخخخخخخخخخخ>>> لا تصدقون عاد

[اهم شيء الاخلاق]

وربي خلاص ماعاد عندي صبر بسرعه الجديد نزليها كلها لان اعصابي فلتت استنى الباقي


وربي القصه حلوه ومثيره الله يعطيك العافيه بس كمليها